Në mbledhjen e 214-të të Qeverisë, ndër të tjera, u miratuan 4 vendime të sponsorizuara nga Ministria e Financave, Punës dhe Transfereve:
shpenzimet për paga dhe shtesa gjatë periudhës raportuese paraqesin një rritje prej 19% krahasuar me periudhën e njëjtë të vitit 2023.
U miratua vendimi për përbërjen e Komisionit për përzgjedhjen e Sekretarit të Përgjithshëm të MFPT-së si dhe u zëvendësua një anëtar në Komisionin Qeveritar për Njohjen dhe Verifikimin e Statusit të Personave të dhunuar gjatë Luftës Çlirimtare të Kosovës.
U miratua nisma për marrëveshjen e grantit me vlerë 9 milionë franga zvicerane nga Qeveria e Zvicrës për të financuar fazën e dytë të programit “Menaxhimi i Integruar i Burimeve Ujore në Kosovë”, ku për fazën e parë të programit, kontributi i Qeverisë Zvicerane ka qenë 8.5 milionë euro, ndërsa kontributi deri në fund të këtij programi pritet të jetë 20 milionë franga zvicerane. Projekti parasheh mbrojtjen, arritjen e cilësisë si dhe përdorimin e qëndrueshëm të burimeve ujore në Kosovë
.
U miratua raporti për të hyrat dhe shpenzimet buxhetore gjatë periudhës janar-qershor 2024. 
Sipas këtij raporti, pranimet përgjatë kësaj periudhe kishin vlerën 1 miliardë e 468 milionë euro apo mbi 137 milionë euro më shumë se në periudhën paraprake. Bilanci bruto i fondeve më 30 qershor 2024 arriti vlerën 577 milionë euro, pra kishte një rritje prej mbi 191 milionë euro krahasuar me gjendjen fillestare.
