Aplikimi i ngarkesës së kundërt në ndërtimtari vlen vetëm për personat e tatueshëm të cilët janë pjesë e transaksionit (furnizuesi dhe pranuesi i shërbimit). Pra, furnizuesi dhe pranuesi i shërbimit duhet të jenë Deklarues të TVSH-së në Kosovë.
Përjashtim nga kjo, faturimi i cili bëhet nga kontraktori kryesor për investitorin, trajtohet furnizim i tatueshëm sipas rregullave normale të TVSH-së. Pra, në këto raste fatura e cila lëshohet nga kontraktori i cili është deklarues i TVSH-së, lëshohet me TVSH.
Ngarkesa e kundërt aplikohet vetëm në furnizimin e shërbimeve ndërtimore.
Personi i obliguar për të paguar TVSH-në është personi i tatueshëm të cilit i janë furnizuar punët ndërtimore (pranuesi i shërbimit, përjashtuar investitorin), duke përfshirë riparimin, pastrimin, mirëmbajtjen, shërbimet e modifikimit dhe demolimit në lidhje me pasurinë e paluajtshme.