Në mbledhjen e 230-të të Qeverisë së Republikës së Kosovës, u miratuan 5 vendime të sponzorizuara nga Ministria e Financave, Punës dhe Transfereve:
U miratua nisma për negocimin e marrëveshjes me Komisionin Evropian për Mekanizmin për Reforma dhe Rritje për Ballkanin Perëndimor. Kjo marrëveshje ka vlerë prej 882.6 milionë euro 
, ku rreth 253 milionë euro 
janë grant ndërsa pjesa tjetër është kredi. Marrëveshja synon realizimin e reformave të ndryshme për menaxhimin e financave publike, dixhitalizimin e shërbimeve publike dhe infrastrukturës 
, politikat e dekarbonizimit 
, efiçiencën e energjisë 
, rregullimin e mjedisit afarist, arsimin, tregun e punës, dhe sundimin e ligjit.
U miratua ndarja prej 7.3 milionë euro si mbështetje për Fondin Kosovar për Garanci Kreditore në kuadër të masës 2.2, në mënyrë që bizneset dhe ekonomia e vendit të kenë qasje më të lehtë në financa 
duke mos pasur nevojë të ofrojnë hipoteka apo pengje të tjera si garanci.
U miratua raporti nëntëmujor për performancën e të hyrave dhe shpenzimeve buxhetore, ku ndër të tjera të hyrat nga ATK ishin 
10% më shumë, si dhe të hyrat nga Dogana ishin 11% më shumë se në periudhën e njëjtë të vitit paraprak, apo 191.4 milionë euro më shumë të arkëtuara. Gjithashtu, shpenzimet për paga dhe shtesa kishin një rritje prej 13%, ndërsa ato për investime kapitale rritje prej 23%.
U miratua plotësim-ndryshimi i Ligjit Nr. 05/L-096 për Parandalimin e Pastrimit të Parave dhe Luftimin e Financimit. Ky ligj ndër të tjera parasheh luftimin e pastrimit të parave dhe financimit të terrorizmit përmes zbatimit të sanksioneve dhe masave parandaluese.
U zëvendësua kryesuesi i Komisionit për Përfitimin e Shtesës për Kushte Specifike të Punës, vendim i miratuar më 16 shkurt 2023.
