Kreu Financa Rritet tatimi në pronë për gati 100 për qind ne Komunen e Prishtinës

Rritet tatimi në pronë për gati 100 për qind ne Komunen e Prishtinës

nga Kontabilisti

Komuna e Prishtinës është raportuar se ka rritur tatimin në pronë. Dhjetra qytetarë kanë reaguar në rrjetet sociale duke e quajtur si vendim absurd.

“Qytetarët e Prishtinës po raportojnë 75% – 100% ngritje të tatimit në pronë. Çfarë po ndodhë Komuna e Prishtinës”, thuhet në reagimin e ‘Vrojtuesit e Lagjes’.

“Jo 70%, 5 vitet e fundit kam pagu 119 euro. Në e-Kosova këtë vitë kam 264 euro!!! Lehtë të llogaritet. Tash komuna nga ky vitë vlerëson 1300 euro m2, e kam ndërmend me iu ba ofertë për 1000 euro m2 po ja shes komunës. Kaos në trafik, lojë me tru të qytetarve, vjedhje masive në këtë krizë, personalisht kam pagu me rregull por këtë vit skan me pa pagesë komuna. Me qenë qytetarë të organizuar nuk luajnë me ne kështu”, ka thënë qytetari Luan Reka.

Për këtë rritje, Komuna e Prishtinës e ka lënë fajtore Ministrinë e Financave.

Nënkryetari i Komunës së Prishtinës, Alban Zogaj, ka thënë se norma e tatimit është e njëjtë, por Ministria e Financave ka bërë rivleresimin e pronave, duke i vleresuar me lartë.

“Andaj, dhe do të paguajmë me shumë. As në si Komunë nuk jemi njoftuar mirë për këtë punë”, ka thënë Zogaj.

Ndërsa ekonomisti Ujkan Bajra, në një shkrim në llogarinë e tij në Facebook, ka thënë se ka rritje enorme të bazës tatimore, ku për vitin 2023 është rritur gati 100% më shumë se dy vitet e mëparshme.

“Fatura e tatimit në pronë për vitin 2023 është gjeneruar/krijuar nga Ministria e Financave. Për të njëjtat njësi banimi apo truall/pllace, shoh një rritje anormale të bazës tatimore (vlera e vlerësuar e pronës), ku për vitin 2023 është rritur gati 100% më shumë se dy vitet e mëparshme dhe e gjithë kjo pa asnjë njoftim nga institucionet tona, por në një mënyrë shumë tinëzare (në rastin tim: shiko e njëjta pronë nga 76 mijë në 2021 vlerësohet 144 mijë në 2023-100% më shumë). Absurditeti i llojit të vet”, ka shkruar ai.

Tutje Bajra ka publikuar edhe disa të dhëna tatimore për tri vitet e fundit:

2023 – tatimi në pronë 571 euro

2022 – tatimi në pronë 350 euro

2021 – tatimi në pronë 304 euro

Ekonomisti Bajra thotë se kjo është taksa më e pamëshirshme në historinë e re të Kosovës dhe kujdesi për shtresat shoqërore është kthyer në gjueti.

“Me të njëjtën mirëqenie, me të njëjtat paga, me kufirin e rritur të varfërisë, me normën më të lartë të inflacionit në të gjithë periudhën e pasluftës, është absolutisht anormale që qytetarët të rëndohen edhe më shumë nga rritja e bazës tatimore (vlera e vlerësuar e pronës), rrjedhimisht e tatimit në pronë. E tmerrshme”, shkroi Bajra./Telegrafi/

Të nderuar qytetarë të kryeqytetit,

Gjatë ditëve të fundit kemi pranuar shumë reagime rreth ngritjes së çmimeve të tatimit në pronë, e cila i është atribuuar Komunës së Prishtinës.

E kuptojmë plotësisht shqetësimin tuaj, por me qëllim të informimit të drejtë të qytetarëve rreth këtij procesi, ju informojmë se:

Bazuar në dispozitat e Ligjit në fuqi për Tatimin në Pronën e Paluajtshme

“Autoriteti kompetent për zbatimin e procedurës së vlerësimit është Ministria e Financave e cila përcakton zonat e vlerave, nivelet e vlerave dhe vlerën e vlerësuar të pronave të paluajtshme që janë brenda territorit të komunave. Vlerësimi i pronave të paluajtshme kryhet në përputhje me rregullat dhe procedurat e parashikuara në këtë Ligj dhe në aktin nënligjor që nxjerr Ministria e Financave për kategoritë e vlerave, metodat dhe modelet e vlerësimit”.

Komuna e Prishtinës, nuk e ka bërë përcaktimin e shumave në faturat e qytetarëve për vitin tatimor 2023.

Ju gjithashtu mund të pëlqeni