Edhe 100 mijë euro janë ndarë sot nga Qeveria e Kosovës për punëtorët e sektorit publik.
Ministri i Financave, Hekuran Murati, tha se këto mjete ndahen për të punësuarit e shtetit që kanë mbetur pa mbështetje në raundin e parë, shkruan lajmi.net.
“Bëhet fjalë për plotësim-vendimin paraprak që kishte të bënte për ndarjen e mjeteve për mbështetjen e të punësuarve në sektorin publik, dhe bëhet fjalë për kategori që kanë mbetur pa u trajtuar në rundin e parë dhe kësisoj duhet të ketë mjete shtesë prej 100 mijë euro”, tha ministri Murati.
Paratë do të ndahen nga Pakoja e Ringjalljes Ekonomike.
