Qeveria sot do të mbajë mbledhjen123-të të saj, ku sipas raportimeve, pritet publikimi i detajeve rreth koeficientit të pagave.
Mbledhja është planifikuar të fillojë në ora 10:00, njofton Klankosova.tv.
Ndërkohë, mbrëmë Qeveria po ashtu zhvilloi mbledhje në mënyrë elektronike, në të cilën miratoi dy vendime:
- Vendimi për ndryshimin dhe plotësimin e Programit Legjislativ të Qeverisë së Republikës së Kosovës për vitin 2023, ku me propozimin e Ministrisë së Financave, Punës dhe Transfereve është përfshirë në Programin Legjislativ për vitin 2023 edhe Projektligji për ndryshimin dhe plotësimin e Ligjit Nr. 08/L-193 mbi Ndarjet Buxhetore për Buxhetin e Republikës së Kosovës për Vitin 2023; dhe
- Vendimin për aprovimin e Programit për Reforma në Ekonomi 2023-2025.
