“U dakorduam që të punojmë në dizajnimin e masave për Pakon e re të Rimëkëmbjes Ekonomike, dhe të finalizojmë masat për një pako te re fiskale që do të miratohej në janar. Kemi pranuar propozime, do të sistemohen dhe diskutohen së bashku para se të miratohen në Qeveri”, tha Hoti.
“Situata nuk pritet të përmirësohet sa i përket pandemisë në javët në vijim, ne duhet të përgatitemi për javët e ardhshme. U takuam me Odat Ekonomike në mënyrë që para se të marrim masa të reja të konsultohemi me ta. Pas këtij takimi do të takohemi me profesionistët shëndetësor për të diskutuar për gjendjen me pandeminë. Mora rekomandime nga Odat dhe Shoqatat”, tha Hoti.
Ai tha se është diskutuar edhe orari i punës në gastronomi dhe mundësia e punës “Merr me vete”.
Ai u shpreh se janë dakorduar me Odat Ekonomike që të dizajnojnë masat për Pakon e re të Rimëkëmbjes.
